دصنعت او سوداګرۍ دسرپرست معین او هرات ولایت دسوداګرۍ او پانګونې خونې دمدیره پلاوي ګډې خبرې اترې
۳/۴/۱۳۹۹
په دغه ګډه خبري غونډه کې دهرات ولایت دسوداګرۍ او پانګونې دمدیره پلاوي رییس ښاغلي یونس قاضي زاده په دغه ولایت کې په ټولیز ډول دخصوصي سکتور پر څرنګوالي او دصنعت او سوداګرۍ په وړاندې په پرتو ستونزو خبرې وکړې.
دصنعت او سوداګرۍ سرپرست معین ښاغلي عبدالکربم ملکیار دښاغلي قاضي زاده دخبرو تر اورېدو وروسته وویل چې وزارت له دغو ستوزو خبر دی او دهغې په له منځه وړلو کې یې خپلې هڅې کړي او دوام ورکوي نوموړي وویل چې ځینې ستونزې یې دیوه تفصیلي رپوټ پرمټ له جمهوري ریاست او اقتصادي عالي شورا سره شریکې کړي دي چې جلالتماب ولسمشر په دې اړوند لازم هدایت ورکړی دی.
په پای کې ښاغلي عبدالکریم ملکیار څرګنده کړه چې دحکومت رهبرۍ تل هڅه کړې چې چې دسوداګرۍ په وړاندې هر ډول خنډونه لیرې او دحصوصي سکتور دفعالیتونو لپاره مناسب چاپیریال رامنځته کړي او دهرات ولایت دمدیره پلاوي له ریس څخه یې وغوښتل چې خپلې اصلاحي طرحې له وزارت سره شریکې کړي.
