د سوداګري نړیوال سازمان, فرصتونه او ستونزې

reza_admin
شنبه ۱۴۰۱/۳/۲۱ - ۱۰:۱۱
د سوداګري نړیوال سازمان, فرصتونه او ستونزې

پنچ‌شنبه: دجوزا/غبرګول ۱۹مه ۱۴۰۱

 د صنعت او سوداګري وزارت مرستیال ښاغلي مولوي قدرت الله جمال په خپل کاري دفتر کې د سوداګرۍ د نړیوال سازمان د توافقنامو د تطبیق ریاست  (WTO) راپور واورېده. په یاده استماعي ناسته کې د وزارت د پالیسي او سوداګریزو خدماتو عمومي رئيس ښاغلي عبدالقهار محمودي او د سوداګري د نړیوال سازمان د توافقنامو د تطبیق ریاست رئيس ښاغلي عبدالوکیل مسلم هم ګډون درلود. ښاغلي مسلم د یاد ریاست په تاریخچې رڼا  واچوله او د سوداګرۍ په نړیوال سازمان کې  د افغانستان په غړیتوب وغږېد.

د راپور اورونې په دوام د یاد ریاست د توافقنامو آمر ښاغلي محمد اصغر انوري د ریاست په وړاندې پرتو فرصتونو او ستونزو مفصل مالومات وړاندې کړل او له مشرتابه يې د ځینو ننګونو د رفع کولو لپاره همکاري وغوښته.

مرستیال وزیر مولوي قدرت الله جمال د خپلو خبرو په ترڅ کې وویل چې کابو ۱۶۴ هیوادونو د سوداګري د نړیوال سازمان د غړیتوب په مټ د قوي اقتصاد او پرمختللې سوداګري څښتنان شوي او د افغانستان لپاره هم دا ښه فرصت ده تر څو له یادې لارې خپله سوداګري ښه لور ته سوق کړي. نوموړي وویل چې که  څه هم په یاد سازمان کې د افغانستان غړیتوب ځنډېدلی خو وزارت ښکېلو مسؤلینو او اړخونو ته لازمې لارښوونې کړې تر څو شته ستونزې حل شي.

د یادونې وړ ده چې د سوداګري نړیوال سازمان په نړیواله کچه د هیوادونو تر منځ د سوداګریزو چارو د ښه انسجام په هدف په ۱۹۹۵ لمریز کال کې رامنځته شو.

تازه خبرونه

سه‌شنبه ۱۴۰۱/۶/۲۹ - ۱۶:۳۹
Background image

د افغانستان اسلامی امارت د مالیه ورکوونکې یوي افغانی مالیې څخه هم ساتنه کوي

د صنعت او سوداګرۍ سرپرست وزیر ښاغلی الحاج نورالدین عزیزی  د (کسبګرو اوهټی والو ملاټر او یو ګام د ځان بسیاینه او با ثباته اقتصاد  په لور) تر عنوان لاندي، جوره شوي غونډه کی ګډون کړي وو

چهارشنبه ۱۴۰۱/۶/۲۳ - ۱۵:۵۶
Background image

د افغانستان دتازه  او وچو میوو د سوداګرۍ د مجازي پیوستون غونډه

 د پاکستان هیواد سره د افغانستان د وچو او تازه میووو د صادراتو،فرصتونو،ستونزو،ترانزیټ او نورو اړوندو برخو په هکله غونډه د صنعت او سوداګرۍ د وزیر ښاغلي نورالدین عزیزی

سه‌شنبه ۱۴۰۱/۶/۲۲ - ۱۲:۵۴
Background image

د کورنیو تولیداتو صنعتي او ساختماني ملی نندارتون پرانستل شو

د صنعت او سوداګرۍ وزارت په نوښت د خصوصي سکتور په همغږۍ د کورنیو تولیداتو صنعتي او ساختماني ملی نندارتون د صنعت او سوداګرۍ وزارت د مشرتابه ،د کډوالو او بیا رستنیدونکوچارو

BACK TO NEWS