د سوداګري وزارت مرستیال د کندهار له والي سره وکتل
د صنعت او سوداګري وزارت مرستیال ښاغلي مولوي قدرت الله جمال د خپل رسمي سفر په ترڅ کې د کندهار ولایت له والي ښاغلي حاجي یوسف وفا سره وکتل.
ښاغلي جمال د مل پلاوي په ملتیا له والي سره په لیدنه کې ولایت په سوداګریزو موضوعاتو تفصیلي خبرې وکړې. نوموړي له والي څخه وغوښتل تر څو د سوداګریزو فعالیتونو په وړاندې د پرتو ستونزو د حل لپاره اړین اقدامات وکړي.د صنعتي پارک د سرک, برېښنا او کلینیک اړوند ستونزې عمده او د پام وړ وبلل شوې.
د کندهار والي ښاغلي وفا د پلاوي له ورتګ څخه د مننې تر څنګ ډاډ څرګند کړ چې د ستونزو د حل په موخه به ولایتي اداره چټک او اغېزمن ګامونه پورته کړي.
