د غوره کورنیو تولیداتو پیژندلو دهمغږۍ غونډه
چهارشنبه: دزمري۲۰مه ۱۴۰۰
دغوره تولیداتو دپیژندلو او د هیواد د تولیدي صنایعو څخه د ملاتړ لپاره د لازمو اسانتیاوو رامنځته کولو د همغږۍ غونډه د صنعت او سوداګرۍ وزارت د صنعتي پارکونو او صنایعو چارو عمومي رییس سید محسن سادات په مشرۍ د صنایعو او معادنونو دخوني د مرکزی او ولایتي استازو په ګډون په حضوري او انلاین ډول د صنعت او سوداګرۍ وزارت د عبدالمجید زابلي د غونډو په تالار کې ترسره شوه .
په پیل کې ښاغلي سادات وویل چې د ولسمشر د لارښوونې سره سم؛ د صنعت او سوداګرۍ وزارت او د افغانستان د صنایعو او کانونو خونه باید دغوره تولیداتو دپیژندلو او د هیواد د تولیدي صنایعو څخه د ملاتړ په موخه د لازمو اسانتیاوود رامنځته کولو لپاره په ګډه کار وکړی.
نوموړي زیاته کړه چې د صنعت او سوداګرۍ وزارت، د صنایعواو کانونو خونې څخه غوښتنه کوي، چې د کورنیو تولیدي شرکتونو محصولات دې دوي ته معرفي کړي چې دا وزارت به يې د اعلانونو په خپرولو، بازار موندنې او پیرودونکو ته په ورپیژندنه کې مرسته وکړی.
د افغانستان د صنایعو او کانونو خونې مشر شیرباز کمین زاده وویل چې دوی د هیواد د ټولو تولیدي شرکتونو محصولات د صنعت او سوداګرۍ وزارت ته معرفي کړي، اوهم به د صنعتکارانو د ستونزې د خامو موادو ساحو ، د خامو موادو تعرفو او د اړتیا بریښنا نشتون ،د کورینو صنایعو څخه د دولت د ملاتړ څرنګوالي او نور مواردو کې له دوي سره شریک کړی .
د ولسمشر د لارښوونې سره سم ، د صنعت او سوداګرۍ وزارت او د صنعت او کانونو خونې د غونډو لړۍ په منظم ډول ترسره کیږي ترڅو غوره کونريی محصولات په ښه توګه وپیژندل شي او د کورنیو صنایعو څخه دملاتړ لپاره اړینې اسانتیاوې برابرې شي.
