د ننګرهار ، بامیان او تخار ولایتونو بازارونو څخه د مستهلیکنو دملاتړ کمیسیون لیدنه
چهارشنبه :دزمري۶مه ۱۴۰۰
صنعت او سوداګرۍ وزارت د مستهلیکینو دملاتړ،د احتکار او قیمت پلورلو،د بی کیفیته او تقلبي توکو د مخنیوي کمیسیون د هیواد د بازارونو وضعیت ارزولو په موخه د ننګرهار ، بامیان او تخار ولایتونو کې دلومړنیو توکو دپلور بازارونو څخه لیدنه وکړه.
د تخار ولایت د مستهلیکینو دملاتړد ولایتي کمیسیون په وینا، د تخار ولایت د اوسیدونکو داړتیا وړخوراکي توکي په کافي اندازه د دې ولایت په بازارونو شتون لری او د تبادلې نرخ تریوي کچې عادي حالت ته راستون شوی.
په تخار ولایت کې د خوراکی توکوپلورونکو د کمیسیون استازو ته ډاډ ورکړ چې په هرډول شرایطو کې دوی نه غواړي د خلکو د اړتیا وړ لمړنې توکي احتکار او په لوړه بیه وپلوري .
همدارنګه د مستهلیکینو په دولایتي تفتیش کې، د بامیان له ښار څخه راټول شوي شپږ ټنه تاریخ تیري توکې چې د بامیانوولایت د بازارونو څخه راټول شوي وه د استیناف محکمې د پریکړې وروسته دیاد کمیسیون او رسنیو په شتون وسوځول شول.
له بلې خوا، د جلال اباد ښار له مارکیټونو څخه د ننګرهار ولایت دمستهلیکینو دملاتړ،احتکار او قیمت پلورولو ولایتي کمیسیون دپلټنو په پایله کې ،۲۳کارتنه بیلابیل بې کیفیته او تاریخ تیري خوراکي توکې له ښار څخه راټول شوي دي.
صنعت او سوداګرۍ وزارت د مستهلیکینو دملاتړ،د احتکار او قیمت پلورو،د بی کیفیته او تقلبي توکو د مخنیوي کمیسیون په مرکز او د هیواد په 23 ولایتونو کې د مستهلیکینو دملاتړ،داحتکار او قیمت پلورلو د مخنیوي په موخه په منظم ډول د بازارونو پلټنه ترسره کوی.