په صنعت او سوداګرۍ وزارت کې د ښځو د پیوستون نړیوالې ورځې لمانځل.
دوشنبه د کب ۱۸ مه ۱۳۹۹
د مارچ اتمه د ښځو د پیوستون نړیواله ورځ د صنعت اوسوداګرۍ وزارت کې د نندراتون په ترسره کولو او د متشبثو میرمنو په ساینې سره د دې وزارت د ریئسانو او ښځینه کارکونکو په ګډون د عبدالمجید زابلی د غونډو په تالار کې ولمانځل شوه .
په دې غونډه کې د صنعت او سوداګرۍ وزارت مالي او اداري چارو عمومي رئیس ښاغلي نصیراحمد محمدی ټینګار وکړ چې دا وزارت به د ښځو دصنعتي او سوداګریزو چارو د پراختیا پروګرامونه ژر پلی کړی.
همدا راز د افغانستان د ښځودصنایعو او سوداګرۍ خونې رئیسۍ آغلې افسانه رحیمی د متشبثو میرمنو د وضعیت د ښه والي لپاره د صنعت او سوداګرۍ وزارت د همکارۍ څخه مننه وکړه، په دې غونډه کې د ۱۰ متشبثو میرمنو څخه چې د صنعت او سوداګرۍ په پراختیا او کسب او کار په رامنځته کولو کې یې په ۱۳۹۹ کال کې موثر رول درلود د صنعت او سوداګرۍ وزارت لخوا د افغانستان د ښځو د صنایعو او سوداګرۍ د خونې په همکارۍ ورته د یاد ګار په توګه تندیس ډالۍ شوې.
