په لغمان ولايت کې دموبل اوفرنيچر پرتوليد دپانګونې ډيروالی
چهارشنبه: دکب ۲۷مه ۱۳۹۹
دانصاف احمدزي دموبل اوفرنيچر توليدي فابريکې چې دلغمان ولايت په قرغيو ولسوالۍ کې فعاليت کوي په دې وروستيو کې يې دتوليد په برخه کې خپله پانګونه ۴ ميليونه افغانۍ ډيره کړې ده.
دغې فابريکې چې په کال ۱۳۹۴ کې يې فعاليت پيل کړی دی خپل داړتيا وړ خام مواد په هېواد کې دننه ترلاسه کوي او دفرنيچر موبل دبيلابيلو ډولونو په توليد سره يې ددغه ولايت ۲۰ تنو ته دکار زمينه برابره کړې ده.
ياده فابريکه خپل توليدات پر مهتر لام سربيره څيرمه ولايتونو ته هم دخرڅلاو په موخه استوي.
ددغې فابريکې مسولين وايي چې دوی ته دنورو اسانتياوو دبرابرولو په رامنځته کولو به په دغه سکتورکې خپل توليدات نور هم زيات کړي.
دصنعت او سوداګرۍ وزارت تل هڅه کوي چې په هېواد کې دپانګوالو او صنعتکارانو لپاره هر ډول اسانتياوې برابرې کړي.
