په لغمان ولایت کې د ایوډین لرونکي مالګې لومړۍ فابریکې دفعالیت پیل
چهارشنبه: دکب ٦مه١٣٩٩
د ایوډین لرونکي مالګې لومړۍ فابریکې د لغمان ولایت په مهترلام ښار کې په کار پیل وکړ.
دغه فابریکه ، چې په یوجریب ځمکه کې د ۶۰ زره ډالرو په پانګونې سره جوړه شوې، په یوه شپه او ورځ کې دیو ټن ایوډین لرونکي مالګې د تولید وړتیا لری ،چې د دې ولایت ۲۰ تنو اوسیدونکو ته یې د کار زمینه برابره کړې ده.
دغه فابریکه؛ خپل خام مواد د بلخ ، فاریاب او تخار ولایتونو د مالګې کانونو څخه ترلاسه او خپل محصولات د لغمان ولایت سر بیره دګاونډیو ولایتونو بازارونو ته د پلور لپاره استوی.
