بایوهیلت سن فارما د درمل جوړونې فابریکې پرانیسته
سهشنبه دغبرګولي۱۰مه ۱۴۰۱
د بایو هیلت درمل جوړولو شرکت د صنعت او سوداګرۍ د مرستیال ښاغلي مولوي قدرت الله جمال لخوا پرانستل شو.
په هغه غونډه کې چې په همدې مناسبت جوړه شوی وه، ښاغلي جمال وویل: موږ غواړو چې دهیواد ټولې صنعتي برخې پر ځان بسیا شی،او هم باید تولید، پروسس او بسته بندی د نړیوالو معیارونو سره سم ترسره شي.
نوموړی زیاته کړه: هر هغه څوک چې د هیواد په بیا رغونه او پرځان بسیاینه کې ونډه اخلي د هیواد او ولس پر وړاندې يې خپله وجیبه ترسره او ستر خدمت يې کړی دی.
همدا راز مرستیال وزیر د شرکت مشرتابه ته ډاډ ورکړ چې د صنعت او سوداګرۍ وزارت د صنعتکارانو په خدمت کې دی.
ښاغلي مرستیال وزیر دیاد شرکت کاروکونکو ته وویل: داسې فکر مه کوئ چې تاسو یوازې د خپلو خدمتونو په بدل کې معاش اخلئ، بلکې تاسود خپل څښتن تعالي سره هم د ستر اجر درلودونکي یاست .
ورپسې د شرکت رئیس ښاغلي کبیر احمد افغان وویل هغه موخې چې موږ يې لرو د ټولو د ویاړ سبب به وګرځی.
په پای کې ښاغلي مولوي قدرت الله جمال دیاد شرکت له ماشینونو، تولیدي بهیر او بېلابېلو برخو څخه لیدنه وکړه.
د يادونې وړ ده چې دغه شرکت له دوه سوه زره امريکايي ډالرو څخه زیاته پانګونه کړې، او په ۲۴ ساعتونو کې د ۱۵ زره بوتله درملو شربت،کپسولونو او قطرو د تولید وړتیا لري. یادې فابریکې د هیواد ۶۶ تنو ته په مستقیم او ۶۰ تنو ته په غیر مستقیم ډول د کار زمینه برابره کړې ده.
