اشتراک سرپرست وزارت صنعت و تجارت در نشست مردمی در ولایت هرات
یک‌شنبه مورخ 3جمادی‌الثانی 1445 / 26قوس 1402
محترم الحاج نورالدین عزیزی، سرپرست وزارت صنعت و تجارت در نشست مردمی در ولایت هرات اشتراک نموده، در صحبت‌های شان گفت: رهبری ا.ا.ا از آغاز پیروزی تلاش نموده تا کشور را از نگاه اقتصادی و تطبیق پروژه‌های انکشافی سرپا نگهدارد که در حال حاضر تمام بودجه از عواید داخلی کشور تأمین می‌شود و مسایل اقتصادی و تجارت به روال عادی جریان دارد.
آقای الحاج عزیزی افزود: تمام سرک‌ها در ولایات و شاهراه‌ها بازسازی شده ویا در حال ساخت و و باسازی می‌باشد که این خود یک دست‌آورد بزرگ در راستای تطبیق پروژه‌های کلان انکشافی به شمار می‌رود.
سرپرست وزارت صنعت و تجارت اضافه کرد: قوانین مختلف از جمله قوانین تجارتی و اقتصادی افغانستان با همکاری نخبگان فکری، استادان پوهنتون‌ها و جوانان شایسته به رهبری ا.ا.ا ترتیب و بعد از بررسی عملی می‌گردد.
