د کوتل تخت صنعتي پارک پرانیسته او 20 فابریکو ته د ځمکو ویش

reza_admin
Sat, May 14 2022 9:08 AM
د کوتل تخت صنعتي پارک پرانیسته او 20 فابریکو ته د ځمکو ویش

پنجشنبه: د غويې ۲۱مه ۱۴۰۱

د میدان وردګو ولایت د کوتل تخت صنعتي پارک پرانیست غونډه کې په دغه ولایت کې 26 تولیدې فابریکو ته د ځمکې وویشل شوي او دځمکواړونده سندونه ورکړل شول.

په هغه غونډه کې چې په همدې موخه جوړه شوې وه، د صنعت او سوداګرۍ وزارت سرپرست ښاغلي نورالدین عزیزي، داقتصاد وزارت مرستیال د اسلامي امارت مرستیال ویاند، د میدان وردګو ولایت مشرتابه او دخصوصي سکتور استازو ګډون درلود.

په پیل کې د صنعتي پارکونو او صنایعوچاروعمومي رئیس ښاغلي عبدالعظیم قریشي د صنعتي پارکونو په اړه د لنډو معلوماتو د وړاندې کولو پرمهال وویل، چې د افغانستان ا.ا کړنلار اقتصاد محوره ده چې د صنعت او سوداګرۍ وزارت او اقتصادي سکتور له خوا پلي کیږي.

ورپسې د اسلامي امارت مرستیال ویاند ښاغلي انعام الله سمنګاني د هېواد پر ځان بسیاینې د ټینګار ترڅنګ وویل، چې د صنعت له ودې پرته د اقتصاد پر ځان بسیاینه ناممکنه ده ، نوموړي زیاته کړه افغانستان په نړۍ کې د یو کرنیز هیواد په توګه پیژندل کیږي، ځکه نو صنعتي او کرنیز سکتورونه یو د بل بشپړونکې او مرستندویان بلل کیږی.

ورپسې د دغه ولايت مشرتابه او د افغانستان د صنايعو،کانونو، سوداګرۍ او پانګونې خونې استازو خبرې وکړې او ويې ويل، چې د دغه ولايت مشرتابه او ولسونه د دغه پارک له پرانېستلو خوښ دي؛ اود میدان وردګو ولایت له صنعتکارانو، پانګوالو او سوداګرو ملاتړ کوي.

په پای کې د صنعت او سوداګرۍ وزارت سرپرست ښاغلي نورالدین عزیزي له امیر المؤمنین سره د اقتصادي مسایلو په اړه دخبرو اترو، یاد وزارت دلاسته راوړنواو داسې نور موضوعاتو خبرې وکړې.

ښاغلي عزيزي د دغه وزارت د پلانونو د بيانولو په ترڅ کې د افغانستان په خلکو غږ وکړ چې د هیواد پرځان بسیاینې او کورنيو توليداتو څخه د ملاتړ په موخه کورنې تولیدات استعمال کړۍ.

همارنګه نوموړي له هغو پانګوالو چې په بهر کې يې پانګونه کړې ده وغوښتل چې په خپل هېواد کې پانګونه وکړي او ددې لارې له خپلو هېوادوالو سره مرسته وکړی.

Latest news

Tue, Aug 02 2022 2:21 PM
Background image

Deputy Minister Met  the Governor of Kandahar Province 

Deputy Minister of Industry and Commerce Respected Mawlawi  Qodratullah Jamal Met with Mr.  Haji Yousef Wafa governor of Kandahar province

Tue, Jul 26 2022 3:37 PM
Background image

Audition to report  the Board of Raisin Directors of Export Development Department

Respected AL haj Nooruddin Azizi, Acting Minister of Industry and Commerce, spoke in the reporting program of Raisins, Fruits, Vegetables and Medicinal Plants Export Development. . .

Thu, Aug 12 2021 8:40 AM
Background image

Holding a coordination meeting to better identify and introduce domestic products

Coordination meeting to better identify and introduce products and provide the necessary facilities to support the country's production industries under the chairmanship of Mr. Sayed. . .

BACK TO NEWS

Quick Links