قیمتي ډبرو په درۍ ورځني نړیوال نندارتون کې د افغاني شرکتونو ګډون
شنبه: د غويې 31مه ۱۴۰۱
د قیمتي ډبرو شپږ افغاني شرکتونه په پاکستان کې روان د قیمتي ډبرو په نړیوال نندارتون کې ګډون لري.
نوموړی نندارتون چې د (PGJFE 3rd Pakistan Gems Jewelry & Fashion Expo 2022) د عنوان لاندې د پایتخت اسلام اباد په سیرینا هوټل کې جوړ شوی او درۍ ورځې به دوام ومومي.
افغاني شرکتونو په دې نندارتون کې خپلو تولیداتو ته د بازار موندنې او تشهیر لپاره ګډون کړی. هېره دې نه وي چې افغاني شرکتونو ته په دې نړیوال نندارتون کې د ګډون زمینه د سوداګرۍ او صنایعو وزارت د نندارتونونو ریاست مساعده کړې.
