د خلکو، صنعت کارانو او سوداګرو اړیکې د ا.ا.ا سره قلبآ غښتلې او نژدې شوي دي
پنجشنبه د چنګاښ 2 نیټه ۱۴۰۱ کال
د صنعت او سوداګرۍ وزارت معین محترم مولوي قدرتالله جمال د هیواد په شمال کې د غالیو د تولید کونکو او صادرونکو اتحادې رئیس الحاج محمدانور رحیمی سره د بلخ ولایت د صنعت او سوداګرۍ ریاست کې د نوموړي په کاري د فتر کې وکتل.
په دې لیدنه کې د صنعت او سوداګرۍ چارو اقتصادي سلاکار محترم ملا نیازمحمد واثق، محترم مطیعالله امید د ستراتژۍ، پالیسی او پلان رئیس، محترم امیرمحمد متقی د بلخ ولایت د صنعت او تجارت رئیس، د غالیو تولید کونکو او سوداګرو هم حضور درلود.
په پېل کې د یادې اتحادې رئیس د صنعت او سوداګرۍ چا رو معین ته هر کلی ووایه او زیاته یې کړه؛ په دې ورستیو کې د غالیو صادرات ۹۰ سلنه ډیروالی موندلی او د عوایدو کچه مو ۲۵ سلنه پورته شوې ده.
په همدې لړ کې محترم عبدالحی حامدی په شمال کې د غالیو یو تن تولید کونکي وویل چې د امنیت په ټینګښت او د خداماتو په وړاندې کولو سره د خلکو، صنعت کارانو او سوداګرو اړیکې د ا.ا.ا سره قلبأ نژدې او غښتلې شوي دي. هغه د افغانستان اسلامي امارت او په ځانګړې توګه د صنعت او سوداګرۍ وزارت څخه د ملاتړ ترڅنګ د یاد وزارت له معین څخه وغوښتل چې د قالینو د صادراتو په برخه کې ځانګړې پاملرنه وکړي.
د صنعت او سوداګرۍ وزارت معین د هیواد غالۍ یې د افغانستان ویاړ وباله او وویل، موږ د بازار موندنې څو برخو ته ځانګړې پاملرنه لرو چې نړیوال بازار ورته پیدا کړو چې یو یې هم د هیواد غالۍدي .
