سرپرست وزارت صنعت و تجارت جهت اشتراک در فروم آستانه، عازم قزاقستان شد
چهارشنبه30 ذوالقعدةالحرام 1446 / 7 جوزا 1404
محترم الحاج نورالدین عزیزی، سرپرست وزارت صنعت و تجارت امارت اسلامی افغانستان، در رأس یک هیئت به دعوت رسمی جمهوری قزاقستان، جهت اشتراک در فروم بین‌المللی آستانه، عازم آن کشور گردید.
قرار است، سرپرست وزارت صنعت و تجارت ا.ا.ا در این نشست، روی فرصت‌های سرمایه‌گذاری و رشداقتصادی افغانستان سخنرانی نماید.
محترم مولوی محمداسحاق صاحب‌زاده، معین خط‌آهن وزارت فوایدعامه و محترم مولوی احمدجان بلال، رئیس هیئت رهبری شرکت‌های امارتی، سرپرست وزارت صنعت و تجارت را در این سفر همراه‌ای می‌کنند.
قابل ذکر است که فروم بین‌المللی آستانه یک نشست مهم جهانی بوده که به منظور بررسی موضوعاتی چون اقتصادجهانی، تغییرات اقلیمی، امنیت بین‌المللی، توسعه پایدار و همکاری‌های منطقه‌ای برگزار می‌گردد. در این نشست، سران کشورها، نمایندگان سازمان‌های بین‌المللی و دانشمندان از نقاط مختلف جهان اشتراک می‌ورزند.
