داپټا د تعدیل شوي تړون د مزاکراتي ډلې د دریمې غونډې ترسره کیدل
پنجشنبه: زمری ۱۴مه ۱۴۰۰
د افغانستان-پاکستان سوداګرۍ او ټرانزیټ دتعدیل شوي تړون( اپټا) د مذاکراتي ټیم دریمه غونډه د صنعت او سوداګرۍ وزیر ښاغلي نثار احمد غوریاني په مشرۍ د ولسمشر د حقوقي واحد، دولتي ادارو او خصوصي سکتورد استازو په ګډون انلاین ډول ترسره شوه .
په دې ناسته کې داپټا تړون په تعدیل کې د کاري پرمختګونو او د پاتې اختلافي مواردود حل کولو لپار په راتلونکي پلانونو خبري ترسره شوي .
تردې دمه ، د افغانستان اسلامي جمهوري دولت تخنیکي مذاکراتي ټیم او د پاکستان جمهوریت تخنیکي مذاکراتي ټیم ترمنځ د خبرو اتروڅو مهم او ارزښتناک پړاوونه ترسره شوي ترڅو د اپټا تړون تعدیل کړي .
د صنعت او سوداګرۍ وزارت به د خصوصی سکتور د نظریاتو او وړاندیزونو د ترلاسه کولو په موخه نږدې راتلونکي کې په کابل د اپټاتړون تعدیل په هکله ملي مشورتي غونډه ترسره کړی.
