د افغانستان او ازبیکستان سوداگریزو پلاویو په کابل کې سره ناسته وکړه
شنبه ۱۳ صفرالمظفر ۱۴۴۶ / ۲۷ زمری ۱۴۰۳
د افغانستان د اسلامي امارت د صنعت او سوداګرۍ د سرپرست وزیر محترم الحاچ نرالدین عزیزي او د ازبیکستان د پانګونې، صنعت او سوداګرۍ د وزیر لزیز قدرتوف په حضور کې د افغانستان او ازبیکستان تر مینځ سوداګریزه ناسته ترسره شوه.
پدې ناسته کې د افغانستان د اسلامي امارت د کانونو او پټرولیم وزارت، کرهنې اوبو لګولو او مالدارۍ وزارت او د اوبو او انرژۍ وزارت سرپرستانو ګډون درلود، د صنعت او سوداګرۍ وزارت سرپرست په لومړي سر کې ازبیکستان ته د سفر پر مهال د افغانستان د اسلامي امارت له او خصوصي سکتور له پلاوي څخه د ازبیکستاني لوري له تاوه ه کلي او کوربه توب څخه مننه وکړه، د یوه او بل هېواد ته د دواړو لوریو د چارواکیو سفرونه د اړیکو د ټینګښت او د راکړې ورکړې د تحکیم په برخه کې اړین او مهم و ګڼل او ویې ویل: د دغه لیدنو کتنو دوام د دواړو هېوادو تر مینځ د سوداګرۍ د لا پیاوړتیا سبب ګرځي.
د افغانستان د اسلامي امارت د صنعت او سوداګرۍ وزارت سرپرست همدارنګه په کابل کې د ازبېکستان هېواد د محصولاتو او تولیداتو د نندارتون، د افغانستان، ازبیکستان او آذربایجان تر مینځ د درې اړخیزې ناستې، د دواړو هېوادو د ځینو مشخصو صادراتي توکیو پر سر د ترجیحي تعرفې لګول، د حیرتانو د بندر د ۲۴فعالیت د ساعته کېدو، د ترانسپورتي ستونزو د کمښت، د افغانستان د کانونو په برخه کې د پانګونې، د دواړو هېوادو په خاوره کې د یو او بل د سوداګریزو خونو پرانیستنه، د افغانستان او ازبیکستان سره د ځینو هېوادو لکه ایران، پاکستان، قزاقیستان او ځینو نورو درې اړخیزه ناستې او دې ته ورته پر ځینو نورو مسایلو خبرې وکړې.
وروسته بیا د ازبېکستان د پانګونې، صنعت او سوداګرۍ وزیر ښاغلي لزیزقدرتوف دهغه تړونونو او توافق نامو او ترسره شویو فعالیتونو په اړه معلومات ورکړل چې د افغانستان د اسلامي امارت او د ازبېکستان د جمهوریت تر مینځ ترسره شوي دي.
"لزیز قدرتوف" وویل چې د دواړو هېوادو تر مینځ پر ټولو ترسره شویو هوکړه لیکونو او تړونو به عمل پیل شوی او فوراً به یې په اړه عملي ګامونه پورته شي. نوموړي همدارنګه د دواړو هېوادونو د پلاویو تر مینځ د لیدنو کتنو پر دوام هم ټینګار وکړ.
