د ترکیې له سوداګرو او پانګوالو سره د صنعت او سودا ګرۍ وزارت د معین کتنه
دوشنبه ۲۱ جمادی الثانی ۱۴۴۶ / ۳ جدی ۱۴۰۳
د افغانستان د اسلامي امارت د صنعت او سوداګرۍ وزارت معین محترم مولوي احمدالله زاهد د ترکیې هېواد له سوداګرو او پانګوالو سره لیدنه وکړه.
پدې کتنه کې د ترکیې هېواد پانګوالو په افغانستان کې د لمریزې برېښنا د تولید په برخه کې له پانګونې سره لېوالتیا وښوده او د هغه هېواد سوداګر هم خپل هېواد ته له افغانستان څخه د غالیو او ګیلمونو اوبدلو د خامو موادو د سوداګرۍ غوښتونکي شول.
د صنعت او سوداګرۍ وزارت معین د هغوی د خبرو په اوریدو سره، په اړونده سکتورونو کې له هغوی سره خپله هر اړخیزه همکاري اعلان کړه.
