د صنعتي پارکونو د وضعیت ښه والی او د بوستان سبز تولیدی شرکت فعالول
سه شنبه مورخ ۱۴ محرم ۱۴۴۵ / ۱۰ زمری ۱۴۰۲
د صنعت او سوداګرۍ وزارت د صنعتي پارکونو عمومي رئیس ښاغلي سیدمحمد نعیم محمدی د تخنیکي پلاوۍپه مشرۍ پروان ولایت ته سفر وکړ او د دغه ولایت له والي سره یې لیدنه وکړه.
ښاغلي محمدي پروان ولایت ته یې د سفر موخه د صنعتي پارکونو د وضعیت څېړل، اغېزمن مدیریتي لارو چارو پېژندنه او د بوستان سبز تولیدي شرکت د فعالولو لپاره لازمو امکاناتو او اسانتیاوو برابرول وباله.
ښاغلي محمدی د پروان ولایت له مسوولینو یې وغوښتل چې په د پروان ولایت د صنعت او سوداګرۍ ریاست سره همکاري وکړي.
د پروان ولایت والي ښاغلي مولوی عبیدالله امین زاده د صنعت او سوداګرۍ وزارت د پلاوي له راتګ څخه مننه وکړه او د هر اړخیزې همکاري او ملاتړ ډاډ ورکړ.
همداراز د صنعت او سوداګرۍ وزارت د صنعتي پارکونو عمومي رئیس او ورسره مل پلاوي د دغه ولایت د صنعت او سوداګرۍ رئیس په ګډون د پروان ولایت صنعتي پارکونو څخه لیدنه وکړه او د شرکتونو مسوولینو او د سیمې اوسیدونکو ته یې د دغه ولایت د صنعتي پارکونو د ستونزو د حل په اړه معلومات ورکړل.
د پروان ولایت د صنعت او سوداګرۍ رئیس ښاغلي محمد یاسر د صنعت او سوداګرۍ وزارت د صنعتي پارکونو له عمومي رئیس او ورسره مل پلاوي څخه مننه وکړه او د شرکتونو مسؤلینو ستونزي او وړاندیزونه یې د صنعت او سوداګرۍ وزارت د صنعتي پارکونو له رئیس سره شریک کړل.