د صنعت او سوداگرۍ وزارت معین سره د هیواد یو شمیر د صنعت کارانو ناسته ترسره شوه
شنبه ۱۶ شعبان المعظم ۱۴۴۶ / ۲۷ سلواغه ۱۴۰۳
په دې ناسته کې د صنعت کارانو د ستونزو په اړه خبرې اترې ترسره شوې. د افغانستان اسلامي امارت د صنعت او سوداگرۍ وزارت معین محترم مولوي احمدالله زاهد نن د سلواغې په ۲۷ مه د خپل کار په دفتر کې د هېواد له یو شمېر صنعت کارانو سره وکتل او د هغوی د ستونزو تر اوریدو وروسته یې د هغې د حل په اړه ډاډ ورکړ.
پدې ناسته کې د صنعت او سوداگرۍ وزارت معین محترم مولوي احمدالله زاهد د هېواد صنعت کارانو ته د فابریکو جوړولو په موخه د ځمکو د وېش په تړاو معلومات ورکړل او د صنعتي پارکونو په اړه د امیرالمومنین له خوا د توشیح شوي فرمان یادونه وکړه.
همدا راز پدې لیدنه کې د هېواد په صنعتي پارکونو کې صنعت کارانو ته د فابریکو جوړولو په لار کې د شته ستونزو په اړه خبرې وشوې او صنعت کارانو ته د ستونزو د هوارۍ په تړاو ډاډ ورکړل شو او پدې اړه یې د هر راز همکارِۍ ژمنه وکړه
پدې ناسته کې ګډون کونکو صنعت کارانو، د خپلو ستونزو د حل په تړاو د اسلامي امارت او د صنعت او سوداګرۍ وزارت له چارواکو څخه مننه وکړه او د دوی هڅې یې وستایلې.
د صنعت او سوداګرۍ وزارت معین راغلیو صنعت کارانو ته یوځل بیا ډاډ ورکړ چې د اسلامي امارت په چوکاټ کې به د هیڅ یوه صنعت کار او هیڅ سوداګر حق نه ضایع کېږي او د دوی د هرې ستونزې د هوارۍ لپاره به هڅه کېږي.
