د عمان هېواد د سواګرۍ او صنایعو خونې له مرستیال سره لیدنه
یک شنبه 13 جمادی الثانی 1446 / 25 لیندی 1403
د ا.ا.ا.د صنعت او سوداګرۍ وزارت سرپرست محترم الحاج نورالدین عزیزي د عمان د سلطنتي هېواد د صنایعو او سوداګرۍ خونې له مرستیال محترم علی بن عبدالله الزدجالي سره لیدنه وکړه.
پدې کتنه کې د دواړو لوریو تر مینځ د افغانستان په کانونو کې د عمان هېواد د پانګونې، د معدني توکیو اړوند د یوه نړیوال لابراتواري شرکت د تاسیس، د دواړو هېوادو تر مینځ د ګډې سوداګریزې خونې د جوړونې او د دوه اړخیزې سوداګرۍ د کچې زیاتوالي په تړاو خبرې او بحث وشو.
