د کابل د صرافانو ستونزواو ننګونو څیړنه
دوشنبه :دتلې ۱۲مه ۱۴۰۰
صنعت او سوداګرۍ سرپرست وزیرښاغلي نورالدین عزیزي او د کابل د یو شمیر صرافانو او خصوصي سکتور له استازو سره مشورتې ناسته ددې وزارت په مرکزکې ترسره شوه .
په دې ناسته کې صرافانو ښاغلي عزیزي ته د نوې دندې مبارکي وویله او د افغانستان د اسلامي امارت د مشرتابه د پریکړې هرکلی یې وکړه ، او د صرافانو لخوا د همکارۍ په اړه یې د وزارت مشرتابه ته ډاډ ورکړ.
ورپسې ښاغلي نورالدین عزیزي ګډونوالو ته د ښه راغلاست ترڅنګ، د حکومت او خصوصي سکتور ترمنځ دوه اړخیزه همکاری مهمه او ارزښتناکه وبلله،له قدرمنو صرافانو يې غوښتنه وکړه چې خپلې ستونزې په وخت له وزارت سره شریکې کړي ترڅو د حل لپاره یې عملي اقدام وشي.
د یادونې وړ ده چې د افغانستان اسلامي امارت ، په ځانګړي توګه د صنعت او سوداګرۍ وزارت رهبري ، د خصوصي سکتور ټولو سکتورنو دستونزو حل کولو لپاره کلکه اراده لری، اود ستونزو د بشپړ حل لپاره د سوداګرو ، صنعت کارانو ، متشبثینو ،ټولو اصنافواو خلکو همکارۍ غوښتنه کوی.
