کابل ته د ازبیکستان د لوړ پوړي پلاوي راتلل

پنجشنبه ۱۱ صفرالمظفر ۱۴۴۶ / ۲۵ زمری ۱۴۰۳

د افغانستان د اسلامي امارت په بلنه د ازبیکستان هېواد یو لوړ پوړی پلاوی د دغه هېواد د صنعت او سوداګرۍ د وزیر په مشرۍ  نن تر غرمې وړاندې کابل ته راورسید.

ټاکل شوې ده چې دغه پلاوی به په هغه درې اړخیزه ناسته کې چې د افغانستان، ازبیکستان او آذربایجان تر مینځ جوړېږي ګډون وکړي

پدې ناسته کې به د درې اړخیزو سوداګریزو او اقتصا دي اړیکو د ودې او پراختیا په اړه، د لوژیستیک او ترانسپورت په څانګو کې د درې اړخیز پرمختګ، په افغانستان کې د شته معدني موادو او د زیات ظرفیت درلودونکو معدني موادو درلودونکو سیمو او هغه ساحو په اړه چې هایدرو کاربن لري او د افغانستان په شمال کې د سمټو د تولید د پروژې د تطبیق په برخه کې چې په کال کې به د یو میلیون ټنه د تولید ظرفیت به ولري، بحث او خبرې اترې وکړي.

همدارنګه ټاکل شوې ده چې د ازبیکستان پلاوی به د درې اړخیزه سوداګریزو اړیکو په کنفرانس کې او د افغانستان د نندارتونو په نړیوال مرکز کې د ددغه هېواد د محصولاتو او تولیداتو د نندارتون په پرانیست غونډه کې هم ګډون وکړي.