د الحرم فابریکه په ورځ کې ۱۰۰ کارتنه غیر الکولي مشروبات تولیدوی
سه شنبه مورخ ۲۱ جمادی الاول ۱۴۴۵ / ۱۴ لیندی ۱۴۰۲
د کنړولایت په اسعد اباد ښار کې د غیر الکولي مشروباتو یوې فابریکې د ۱۲ سوه زرو افغانیو په پانګونې سره خپل تولیدات پيل کړل.
یاده فابریکه په ورځنې ډول ۱۰۰ کارتنه غیر الکولي مشروبات تولیدوي چې د سیمې ۱۰ تنو ته يې د کارزمینه برابره کړې ده .
د کنړ ولایت د صنعت او سوداګرۍ رئیس ښاغلي مولوي محمد طیب یوسف د نوموړي فابریکې څخه د لیدنې پرمحال د فابریکې د مسئولینو ستونزې واوریدې او د حل په موخه يې د وزارت د لوړرتبه مسئولینو سره د شریکولو ډاډ ورکړ.
