د نو روز د جشن د صنعتي نندارتون پرانیسته
![د نو روز د جشن د صنعتي نندارتون پرانیسته](/sites/default/files/2021-03/afttah_nmayshgah_snty_jshnnwrwz_.jpg)
چهارشنبه د وری ۴مه ۱۴۰۰ کال
د ۱۴۰۰ لمریز کال د پیل او نوروز جشن د لمانځلو په هکله صنعتي نندارتون د اطلاعاتو او کلتور وزارت د سرپرست ښاغلي محمد طاهر زهیر،دصنعت او سوداګرۍ وزارت د سوداګریزوخدماتو،صنعتي پارکونو،مالي او اداري عمومي ریئیسانو په ګډون د چهلستون بڼ کې پرانستل شو.
په دې نندارتون کې د هیواد صنعت کارانو او سوداګرو میرمنو په ۱۲۰ غرفو کې خپل بیلابیل تولیدی توکې نندارې ته وړاندې کړل چې دا نندارتون به د دري ورځو پورې د لیدونکو لپاره پرانیستی وی.
د یاد نندارتون ترڅنګ د صنعت اوسوداګرۍ وزارت د ۱۴۰۰ لمریز کال د پیل په مناسبت په مختلفو ولایتو کې د کورنیو تولیداتو د معرفي کولو په موخه نندارتونونه ترسره کړي دي .
همدا راز یاد وزارت په پام کې لری چې په روان کال کې په هیواد او د هیواد څخه بهر د کورنیو تولیداتو لپاره د بازار موندنې په موخه په بیلابیلو ولایاتو اوهیوادونو کې نندارتونه ترسره کړی.
له بلې خوا د نورز د تاریخې جشن په لمانځ غونډه کې چې په یاد بڼ کې ترسره شو د یادې غوندې وینا والو هیواد کې پر کلتوري،اقتصادي،او سوداګریزې ودې ټینګار وکړ.
د غونډې په پای کې د نوروز جشن په مناسبت وزرشکارانو، او سرکس کونکونجونو خپله ننداره نندارچیانو ته وړاندې کړه .