د ښځو پروړاندې د تاوتریخوالي پر ضد د مبارزې نړیوالې ورځې لمانځل
دلیندۍ ۶مه ۱۳۹۹
دصنعت او سوداګرۍ وزارت لخوا دیاد وزارت دوزیر ښاغلي نثار احمد غوریاني او په دغه وزارت کې دښځینه کارکوونکوپه ګډون ولمانځل شوه
دیادې لمانځغونډې په پیل کې دصنعت او سوداګرۍ وزارت وزیر ښاغلي غوریاني ددغې ورځې په تړاو دهېواد ټولو مېرمنو په ځانګړي ډول دیاد وزارت ښځینه کارکوونکو ته مبارکي وویله، ښاغلي غوریاني وویل چې دغه ورځ دې دوزارت دټولو کارککونکو لخوا ولما نځل شي، ترځو دراتلونکو لپاره یوه الګو وګرځي .
ښاغلي غوریاني زیاته کړه چی دی به دیوه ورور په څیر دښځو په وړاندې ، په وزارت کې دننه او په بهر کې له تاوتریخوالي سره په کلکه خپله مبارزه جاري وساتي .
ښاغلي غوریاني دخپلو خبرو په دوام مېرمنو ته په خطاب کې وویل چې دوی کولای شي په وزارت کې دننه هغو بستونو ته چې ځان پکې پرشرایطو برابر ویني ، ځان نوماند کړي او دی به یې له حقونو څخه په کلکه ملاتړ وکړي، دده په وینا مېرمنې کولای شي په کاري برخو کې ښې وځلیږي، ځکه دهر هېواد بنسټ کورنۍ او دهرې کورنۍ بنسټ مېرمنې جوړوي.
د ښځو پروړاندې د تاوتریخوالي پر ضد د مبارزې نړیواله ورځ د۱۹۱۹میلادي کال داکتوبرمیاشتې په ۱۷مه دملګرو ملتونو دسازمان لخوا په رسمیت وپېژندل شوه، له هغه وروسته هرکال دنړۍ په بېلابېلو هېوادونو کې لمانځل کیږي.
