په بلخ ولایت کې د صادراتي محصولاتو داسنا پروسو دبهیر واحد مرکز پرانستل

reza_admin
دوشنبه ۱۴۰۰/۵/۱۸ - ۹:۱۳
په بلخ ولایت کې د صادراتي محصولاتو داسنا پروسو دبهیر واحد مرکز پرانستل

یک‌شنبه: د زمري۱۷مه ۱۴۰۰

 دبلخ ولایت د صنعت او سوداګرۍ په ریاست کې یاد واحد مرکز د دولتي چارواکو،دبلخ والي ښاغلي محمد فرهاد عظیمي ،دخصوصي سکتور استازو او د هیواد د تولیداتو د صادرونکو سوداګرو په شتون کې پرانستل شو.

د صنعت او سوداګرۍ وزیرښاغلي نثار احمد غوریاني پیغام د یاد مرکز د پرانیستلو په مراسمو کې د پالیسۍ او سوداګریزو خدماتو عمومي رییس ډاکټر فیاض الدین غیاثي لخوا ولوستل شو، په پیغام کې راغلي چې په تیرو وختونو کې د هیواد صادرونکي له  ډیرو ستونزو سره مخ وو، د خپلو اسنادو د پروسود ترسره کولولپاره اړ وه،په بیلابیلو سیمو کې اړونده برخو ته مراجعه وکړی،چې دا د زیات وخت او مصرف لرونکې وه .

 په پیغام کې دا هم راغلي چې د صنعت او سوداګرۍ وزارت د ښاغلي ولسمشر د لارښوونو سره سم ، د صادراتي اسنادو د پروسو پرمخ وړلو کې د اړینو اسانتیاو چمتو کولو ،د اضافي لګښتونو ،اضافی وخت اود سوداګرو سرګردانيو مخنیوي لپاره  د دولتي ادارو او خصوصي سکتور سره په همغږۍ په ننګرهار ، کندهار او هرات ولایتونو کې د صادراتي اسنادو د پروسو د بهیر واحد مرکزونه رامینځته کړي دي.

د دي مرکزونو د رامنځته کیدلو سره د صادراتي اسنادو بهیر له 3-5 کاري ورځو او 2 څخه تر 3 ساعتونو ته کم شوی او هم د صادراتو پروسې کې د وخت،اضافي لګښتونود کمیدو او د محصولاتو د خرابیدو او لمنځه تلو د مخنیوي سبب شوي دی .

د صنعت او سوداګرۍ وزیرښاغلي نثار احمد غوریاني په پیغام کې زیاتوي چې خصوصی سکتور ته اسانتیاو په برابرولو او د یادو مرکزونو په رامینځته کولو سره ، په کابل ، ننګرهار ، کندهار ، هرات او بلخ ولایتونو کې د هیواد صادرونکي کولاي شي د صادراتو اسناد دیوواحد چتر لاندي بشپړ ،د لګښت او وخت سپما سره پرته له کومې ستونزې خپل صادرات پیل کړی.

دنوموړي مرکز د پرانستې مراسمو کې د بلخ والي ښاغلیمحمد فرهاد عظیمي د هیواد په اقتصاد کې د بلخ ولایت رول ته په اشارې سره وویل چې په مزارشریف کې د دغه مرکز جوړیدل به په دغه ولایت کې صادرات او پانګونه زیاته کړی .

 په دې ناسته کې ، د کورني تولیداتو په صادرولو کې  د ولسمشرسلاکار ، د مالیې وزارت ، د کرنې ، مالدارۍ او اوبو لګولو وزارت او د خصوصي سکتور استازو د صادراتود زیاتوالي  لپاره د لازمو اسانتیاو په برابرولو کې د ګډې همکارۍ پر اړتیا ټینګار وکړ.

تازه خبرونه

شنبه ۱۴۰۱/۹/۲۶ - ۸:۴۹
Background image

د مولوی جمال په مشری اداري ناسته

د صنعت او سودا ګرۍ وزارت مرستیال ښاغلی مولوی قدرت الله جمال  په مشری او د دی وزارت یو شمیر رئیسانو په ګډون اداری ناسته تر سره شوه.

چهارشنبه ۱۴۰۱/۹/۲۳ - ۱۵:۲۳
Background image

د اوسپنې د ویلې کولو سکتور مسوؤلینو سره د مولوی جمال لیدنه

د صنعت او سوداګرۍ وزارت مرستیال ښاغلی مولوی قدرت الله جمال  د دی وزارت ځینو رئیسانو په ګډون د صنایع او معادن خونو، او د اوسپنې د ویلې کولو سکټور له مسوولینو سره لیدنه او د دغو سکټورونو. . .

چهارشنبه ۱۴۰۱/۹/۲۳ - ۱۲:۱۱
Background image

په هیواد کی د سړو خونو پر جوړولو بحث

هغه ناسته چي د صنعت او سوداګرۍ وزارت مرستیال ښاغلي مولوي قدرت الله جمال په مشري او د مولوي محمد زمان ناصری د صنعتی پارکونو د انکشاف او  پالیسی رئیس، د کرنې

BACK TO NEWS