په بلخ ولایت کې د میرمنو لاسي صنایعو نندارتون جوړشو.
یکشنبه دلړم ۱۱مه ۱۳۹۹
د بلخ ولایت د صنعت او سوداګرۍ ریاست ،خصوصي سکتور او د کوچنیانو د ملاتړ بنسټ له لوري د میرمنو د کار او کسب د ملاتړ په موخه د متشبثو میرمنو د لاسي صنایعو دوه ورځنی نندارتون جوړشو.
دا نندارتون چې د مزار شریف ښار درابعه بلخي په سوداګریز مرکز کې ترسره شو، متشبثو میرمنو خپل تولیدي محصولات چې د لاسي صنایعو،خوراکي توکو، د جامو بیلابیل ډولونه، ګاڼې او نور توکې په ۴۰ غرفوکې،نندارې ته وړاندې شوي وو، دليدونکو له تاوده هرکلي سره مخ شول .
ددې نندارتون موخه د میرمنو د کسب او کار څخه ملاتړ،د میرمنو د سوداګریزو او صنعتی فعالیتونو په برخه کې د پانګونې جذب،د سوداګرو ښځو پرځان بسیاینې،او د میرمنو د اقتصادي پیاوړتیا بلل شوې ده .
