په هرات ولایت کې د اکسیجن د تولید زیاتوالی
دوشنبه: د سلواغي ۳۱مه ۱۴۰۰
په هرات ولایت کې د اکسیجن تولید کونکي فابریکې د دې ولایت د کوئیډ ۱۹ اړونده روغتونونو اړتیاو لپاره د اکسیجن په تولیداتو کې زیاتوالی راوستی دی.
دا فابریکه د یو میلیون امریکایی ډالرو په لومړني پانګونې سره له ۱۳۹۵ لمریز کال څخه ترننه ددي ولایت په صنعتي ښارګوتي کې فعالیت ترسره کوی، ددې فابریکې څښتن یې وايې چې دوی په یو ساعت کې۱۰۰۰ کیلوګرامه اکسیجن تولیدوي، اوس دا فابریکه د اکسیجن تولید او رسولو لپاره دوه زره ډبې په لاس کې لري.
له بلې خوا،دهرات سیمه ایز چارواکي وايې چې د اکسیجن د تولید زیاتوالی د دې لامل شوی چې په دغه ولایت کې د کویډ ۱۹ اړونده روغتونونه د اکسیجن نشتون ستونزې تر یوی کچې حل شوی دي .
دې فابریکې لخوا تولید شوي اکسیجن اوس مهال د کوویډ ۱۹ اړونده ناروغانو درملنې لپاره د هرات روغتونونو او کلینیکونو ته لیږدول کیږی.
تردا مهاله د هرات په صنعتي ښارګوټي کې د اکسیجن د تولید درې فابریکې شتون لري،چې د کورونا ویروس د خپریدو سره ، د اکسیجن اړتیاو پوره کولو لپاره د دې تولیدي فابریکو فعالیت ډیر شوي.
