له یو تن افغان سوداګر سره لیدنه
دوشنبه ۲۵ ذوالقعدةالحرام ١۴۴۵/ ۱۴ غبرگولی ١۴٠٣
د صنعت او سوداګرۍ وزارت مرستيال مولوي قدرت الله جمال له يو افغان سوداګر ډاکټر محمد نذير احمدزي سره په خپل کاري دفتر کې وکتل.
ښاغلي جمال په خپلو خبرو کې افغان سوداګر وستايل او زياته يې کړه چې اسلامي امارت ژمن دي چې ټولو سوداګرو ته بالعموم او خپلو افغان سوداګرو ته بالخصوص ټول ممکنه امکانات اوآسانتیاوي برابرې کړي او په واک کې يې ورکړي.
همدا راز افغان سوداګر ښاغلي ډاکټر نذير احمدزی وویل: څرنګه چې په افغانستان کې امنیت تامين او یوه واحده اداره رامنځ ته شوی کوم چې اقتصادې ودې او بیارغونی ته يې زیاته پاملرنه کړې ده غواړي چې په افغانستان کې پانګونه وکړي.
نوموړې زیاته کړه يو شمير بهرني تجاران شته چې غواړي په افغانستان کې پانګونه وکړي.
ښاغلي احمدزي په لغمان ولايت کې نږدې(۱۰۰۰) زر جريبه ځمکه کې د کرنې او باغدارۍ چارې پیل کړي کوم چې د هیواد یو زیات شمير ګړو ته يې د کار زمينه برابره کړې ده.
