د صنعت او سوداګرۍ وزارت معین مولوي احمدالله زاهد نن په خپل کاري دفتر کې د زابل ولایت له یو شمېر صنعتکارانو او سوداګرو سره وکتل
یکشنبه 20 ذوالقعدةالحرام 1446 / 28 ثور 1404
نن یکشنبه، د صنعت او سوداګرۍ وزارت معین مولوي احمدالله زاهد په خپل کاري دفتر کې د زابل ولایت له یو شمېر صنعتکارانو او سوداګرو سره وکتل. په دې لیدنه کې د زابل ولایت د صنعت او سوداګرۍ رئیس هم ګډون درلود. سوداګرو خپلې ستونزې له ښاغلي زاهد سره شریک کړل او د صنعتي ځمکو غوښتنه یې وکړه.
ښاغلي زاهد هغوی ته ډاډ ورکړ چې د صنعتي ساحو وېش پروسه روانه ده او هغوی ته یې د وېش او اسنادو د طی مراحل په اړه بشپړه لارښوونه وکړه. نوموړي د خپلو خبرو پر مهال وویل چې د افغانستان اسلامي امارت پالیسي یوه اقتصاد محوره پالیسي ده او د اسلامي امارت د ټولو مشرانو دروازې د سوداګرو او صنعتکارانو پر مخ خلاصې دي.
سوداګرو د زابل ولایت د وچې مېوې د صادراتو او پروسس ستونزې هم شریکې کړې. ښاغلي زاهد هغوۍ ته ډاډ ورکړ چې د هغوی ستونزې به له مربوطه مراجعو سره هم شریکې کړي او خپله به یې د حل په موخه هڅه وکړي.
په پای کې، سوداګرو خپله خوښي وښوده او له صنعتکارانو او سوداګرو څخه یې د اسلامي امارت ملاتړ وستایه.
