پنجشنبه د کب ۲۱ ۱۳۹۹

په نړیوال سوداګریز سازمان کې د افغانستان دایمي استازي ښاغلي سید رامین زیوري دیاد سازمان په عمومي غونډه کې د روان کال د مارچ په ۱-۲ نیټه چې دیاد سازمان په دفتر کې ترسره شوي وه ګډون او وینا وکړه.

ښاغلي زیوري په خپله وینا کې د یاد سازمان د غړو لخوا د نړیوال سوداګریز سازمان د غړو هیوادونو د وزیرانود کنفرانس د ترسره کیدو له پریکړې څخه چې په پام کې ده د ۲۰۲۱ کال د نوامبر په میاشت کې د سویس هیواد د جینیوا په ښار کې ترسره شي ستاینه وکړه او یادونه یې وکړه چې افغانستان، دې کنفرانس ته د یوې مهمي غونډي په سترګه ګورې چې غړې هیوادونه به یو بل سره په همکارۍ بنسټیزو پایلو ته ورسیږي.

په نړیوال سوداګریز سازمان کې دافغانستان دایمي استازي په نړیوال سوداګریز سازمان کې افغانستان غړیتوب اوترسره شوي فعالیتونه په هکله چې په تیرو دري کلونو کې يې د g7 + WTO Accession Group سره همغږي کړي دي لازم معلومات وړاندې کړل.

ښاغلي زیوري د ازبکستان هیواد لخوا په نړیوال سوداګریز سازما ن کې د خپل عضویت په هکله د خبرو د بیا پیل څخه د مننې ترڅنګ په ۲۰۲۰ کال کې د ناظر غړې په توګه دشتون مبارکي وویله او د غړوهیوادونو څخه یې غوښتنه وکړه چېد نړیوال سوداګریزسازما د غړیتوب په ترلاسه کولو کې دې د کم پرمختګ لرونکو هیوادونو ستونزې او د جنګ څخه متاثرتوب په ځانکړې ډول په دې روانو سختو شرایطو کې په پام کې ونیسي.