سعودي عربستان ته د افغانستان د صادراتو لوړېدنه
چهار شنبه د غویی ۲۹ مه ۱۴۰۰
د کرونا وبا محدودیتونو سربېره، د ۲۰۱۹ کال په پرتله په ۲۰۲۰ کال کې سعودي عربستان ته د افغانستان صادراتو له ۱۰۰ سلنې ډېره وده وکړه.
د سعودي عربستان رسمي احصائیې له مخې، په ۲۰۱۹ کال کې افغانستان سعودي عربستان ته د ۱۳٫۲۸ ملیونه ډالرو په ارزښت صادرات درلودل، چې په ۲۰۲۰ کال کې دا شمېره ۲۸٫۵۶ ملیونه ډالرو ته وخته.
پدې صادراتو کې د افغانستان زعفرانو، وچې مېوې او قالینو ډېره ونډه درلوده، چې د هوايي دهلېزونو له لارې له افغانستان څخه سعودي عربستان ته صادر شوي دي.
سعودي عربستان ته د افغانستان د صادراتو پلان له مخې د ۲۰۲۱ کال لپاره د ۴۲٫۵ ملیونه ډالرو اټکل شوی دی. د افغانستان او سعودي عربستان ترمنځ پراخو سوداګریزو فرصتونو ته په پام، موږ ژمن یو چې د سوداګریزې پراختیا دغه بهیر به جاري او د چټکتیا هڅې به یې روانې ساتو.
