د جلغوزو د صادرونکو سره لیدنه
دوشنبه: دتلې ۵ مه ۱۴۰۰
دصنعت او سوداګرۍ سرپرست وزیرښاغلي نورالدین عزیزي د جلغوزو د صادرونکو سوداګرو سره د یاد وزارت د غونډو په تالار کې ولیدل.
په دې ناسته کې یادو سوداګرو دجلغوزو دصاداتو پر وړاندې شته ستونزې د وزیر سره شریکې او دحل غوښتونکې یې شول.
ښاغلي عزیزي دنوموړو سوداګرو دهرکلي ترڅنګ ژمنه وکړه چې د دوي ستونزي به دکابینې غونډه کې مطرح اوحل لار به ورته وپلټي.
نوموړي د جلغوزو د صادرونکو سوداګرو غوښتنه وکړه تر څو د جلغوزو دصادراتوپر وړاندې دننګونو ،صادراتو د پراختیا او ښه والي لپاره خپلې ځانګړې طرحي زموږ سره شریکې کړی.
