د پکتیا ولایت سوداګرو او صنعت کارانو سره لیدنه
سه شنبه مورخ 5 جمادی الاول 1444 / 8 لیندۍ
د صنعت او سودا ګرۍ وزارت مرستیال ښاغلي مولوی قدرت الله جمال د پکتیا ولایت سوداګرو، صنعت کارانو او د خصوصې سکټور له غړو سره د دی وزارت د غونډو په تالار کې وکتل.
په دی لیدنه کي صنعت کارانو، سوداګرو او د خصوصې سکټورغړو په خپل وار سره د سوداګرۍ، صنعت، او ټرانزیټ په برخه کي خپلي ستونزي د صنعت او سوداګرۍ وزارت مرستیال سره شریکې کړې.
د صنعت او سوداګرۍ وزارت مرستیال ښاغلي مولوی قدرت الله جمال د پکتیا ولایت سوداګرو، صنعت کارانو او د خصوصي سکتور غړو ته ښه راغلاست وویل او د هغوي نظریاتو، وړاندیزونو اوستونزو په اوریدلو سره يې د هراړخیزه همکارې ژمنه وکړه.
ښاغلي جمال وویل د صنعت او سوداګرۍ وزارت په دولت کي ستاسې استازي دی او تاسو د ستونزو په حل کي هراړخیزه اقدامات تر سره کیږي
ښاغلي جمال وویل مونږ د سوداګرو او صنعت کارانو د ستونزو د حل ترڅنګ غواړو چې د سوداګرو، صنعت کارانو او خصوصې سره اوږه په اوږه هیوادوالو ته د کاري زمینه برابره کړو.
