د مولوی جمال په مشری اداري ناسته
چهار شنبه مورخ ۲۱ جمادی الاول ۱۴۴۴ / ۲۱لېندۍ
د صنعت او سودا ګرۍ وزارت مرستیال ښاغلی مولوی قدرت الله جمال په مشری او د دی وزارت یو شمیر رئیسانو په ګډون اداری ناسته تر سره شوه.
په دی ناسته کي ښاغلی الحاج محمد هاشم عمری د مالي او اداری عمومې ریاست مشر، ښاغلی سید عبدالعظیم قریشی د صنعتي پارکونو عمومی ریاست مشر اوښاغلی محمد زبیر دین پرور د مرکزی ثبت عمومی ریاست مشر، خپل نظریات، وړاندیزونه او ستونزی د لا ښه مدیریت او ولس ته خدماتو وړاندی کولو په برخه کی ښاغلی الحاج مولوی قدرت الله جمال سره شریک کړل.
ښاغلی جمال د دی غونډې د غړو وړاندیزونو او آندونو په اوریدلو سره وویل مونږ باید د سلسه مراتب په نظر کی نیولو سره اوږه په اوږه خپل کارونه په منظم مفید او موثره ډول ترسره کړو همداراز باید منظم اداره ولرو تر څو په احسن ډول خپل ولس ته خدمت وکړو.
