په افغانستان کې د روسې نړیوالو شرکتونو لخوا د پانګونې چمتوالی
دوشنبه۸ شعبان المعظم ۱۴۴۵/ ۳۰ سلواغه ۱۴۰۲
د روسې نړیوالو شرکتونو د بریښنا، ګاز او د کثافاتو سرې، د ډیجیټل حکومتولۍ، د هېواد د امنیت د لا پیاوړتیا لپاره د سیسټمونو په جوړولو او نورو اړوندو مسلو کې د پانګونې او همغږۍ لپاره چمتوالی وښود. همدارنګه د اوبو لیږد او د تیلو د رایستلو لپاره د پمپونو نصبول او له افغانستان سره په هغو پروژو کې د همغږۍ ډاډ ورکړ چې مختلف ډوله توربینونو ته اړتیا لري.
د صنعت او سوداګرۍ وزارت د پانګونې رئیس ښاغلي صبغت الله آخوندزاده، چې د روسي نړیوال شرکتونو له چارواکو سره په لیدنه کې ټنګار وکړو چې افغانستان اوس له ګاونډیو او سیمې هیوادونو سره ښې سوداګریزې اړیکې لري او په افغانستان کې د پانګونې لپاره ښه فرصتونه شتون لري مونږ د شته فرصتونو هرکلی کوو.
او زیاته یې کړه چې په افغانستان کې ډول ډول برخو کې د پانګونې لپاره زمینه برابره شوي ده او افغانستان په یادو برخو کې د پانګونې اچونې او همغږۍ ته اړتیا لري.
د غونډې په پای کې د دې وزارت له لوري ډاډ ورکړل شو او د کمپنیو له مسؤلینو اړوند طرحې وغوښتل شوې.
