دچرګانو دغوښې له اړخه دخوست ولایت پرځان بسیاینه

چهارشنبه ۳ مرغومي لومړۍ ۱۳۹۹

په خوست ولایت کې د چرګانو دغوښې دفارمونو مسولین وایي چې په دغه ولایت کې دورځې له ۱۰ تر ۱۵ زره کیلو ګرامه دچرګانو غوښه تولیدوي، چې په دې سره دخوست ولایت له دې اړخه پرځان بسیا شوی دی.

دا مهال په خوست ولایت کې دغوښینو چرګانو ۱۱۰۰فارمونه فعالیت کوي او خپل تولیدات ګاونډیو ولایتونو، پکتیکا او پکتیا ته دخرڅلاو په موخه استوي.

دا په داسې حال کې ده چې له دې وړاندې، دخوست ولایت اوسېدونکو، خپله داړتیا وړ دچرګانو غوښه له پاکستان هېواد څخه واردوله.

بلخوا بیا دصنعت او سوداګرۍ وزارت رهبري دچرګانو غوښې دتولید له لوري، دخوست ولایت دپرځان بسیاینې څخه دهرکلي ترڅنګ وویل چې دچرګانو دغوښې دتولید په برخه کې یې دملاتړ کړنلاره جوړه کړې، چې دیادې کړنلارې پرمټ به یاد سکتور په دې برخه کې د دولت په ملاتړ پرځان بسیاینې ته ورسیږي.