د غالۍ جوړونکو او صادرونکو سره د صنعت او سوداګرۍ سرپرست وزیر لیدنه
سه شنبه د تلې ۶مه ۱۴۰۰
د افغانستان د اسلامي امارت د صنعت او سوداګرۍ سرپرست وزیر ښاغلي نورالدین عزیزي د غالیو اوبدونکو او صادرونکو سره ولیدل.
په دې غونډه کې چې د غالیو تولیدونکو او صادرونکو اتحادیې مشر ښاغلي حاجي عظیم اسلم زاده ، د دې اتحادیې مدیره پلاوي اوغړو شتون درلو د خپلې ستونزۍ له ښاغلي نورالدین عزیزي سره شریکې کړی.
په پیل کې د غالیو تولیدونکو او صادرونکو اتحادیې رئیس ، ښاغلي اسلم زاده د وزارت نوي وزیر ته د ځان او د اتحادیې غړو او ګډونوالو په استازیتوب مبارکي وویله او د اتحادیې په اړه یې معلومات ورکړل.
،ښاغلي اسلم زاده وویل چې ښاغلی عزیزي له ډیرې مودې راهیسې د غالیو په سکتور کې فعال و او پوهیږي چې د غالیوسکتور په افغانستان کې یو له پخوانیو سکتورونو څخه دی چې په نړۍ کې د دې هیواد د ملي کلتور استازیتوب کوي.
د غونډې ګډونوالو هریو خپلې ستونزې لکه په وروستیو کې له هیواده بهر ته د غالیو قاچاق، د ویزې ته دلاسرسی نشتوالی، سبسایډي، صنعتي پارکونه، بهر ته د وړیو په صادراتو بندیز ، ترانزیتي لارې ، نندارتونونه او د اتحادیې ټاکنې په ګوته، خپل وړاندیزونه یې د وزارت له مشرتابه سره شریک، او د ستونزو د حل غوښتنه یې وکړه.
د صنعت او سوداګرۍ سرپرست وزیر ښاغلي نورالدین عزیزي وویل چې موږ ستاسو ستونزوسره له نږدې بلدیو؛ ډیر لږ وخت وشو چې د افغانستان د اسلامي امارت مشرتابه موږته د دې وزارت مسولیت راسپارلی دی او زه به دخپل تخنیکي ټیم سره له تاسو سره هغومره همکاري وکړم ترکومې کچې چې د هیواد قوانین موږ ته اجازه راکوي،موږ به هڅه وکړوترڅو دغالیو تولید کونکو ، سوداګرو او صادرونکو لپاره لا اسانتیاوي رامینځته کړو.
ښاغلي عزیزي زیاته کړه چې د صادراتو باندې په جدي توګه کار روان دی د اتحادیې له غړو يې وغوښتل چې پنځه کسان د دوی د اتحاديې استازو په توګه موږ ته راوپیژني ترڅو ددوي د ستونزوحل او وړاندیزو په هکله عملي کار پیل کړو.