د وزارتونو تر منځ د تخنیکي کمیټې ۱۱ مه غونډه جوړه شوه!
نن سهار، چهارشنبه، د۱۳۹۹ کال د تلې۲۶مه نیټه، د سوداګرۍ نړیوال سازمان د مکلفیتونو د تطبیق او تعقیب لپاره د وزارتونو یوولسمه تخنیکي ناسته د صنعت او سوداګرۍ وزارت دسرپرست معین د ریاست لاندې د اړونده وزارتونو د رئیسانوپه ګډون ترسره شوه. غونډه د معین صیب په لنډې وینا د نړیوال سوداګریز سازمان دتعهداتو د ژمنتیاپه اهمیت اود هغه د پلي کولو په څرنګوالي سره پیل شوه
ورپسې سوداګرۍ سازمان د تعهداتو د تطبیق سرپرست رییس همایون رحیمي په نړیوال سوداګریزسازمان کې د افغانستان د غړیتوب وروسته د صنعت او سوداګرۍ وارت د ستراتیژي اهمیت روښانه کړه.
په ورته وخت کې ، د اجنډا مطابق ، داړوندو وزارتونو او ادارو مسؤلینو د دوي ادارو پوري اړونده د نړیوال سوداګریز سازمان دتعهداتو د ژمنتیاد پلي کولو د څرنګوالي په هکله راپور وړاندي کړ.
په پای کې ، ټولو برخه والو ته دنده وسپارل شوه چې د نړیوال سوداګریزسازمان ژمنو پلي کولو ته لومړیتوب ورکړي او دهغه دپلي کولود پرمختګ اوڅرنګوالي په هکله معلومات ورکړي همدارنګه پریکړه وشوه چې د اړتیا په صورت کې باید د صنعت او سوداګرۍ وزارت تخنیکي ټیمونه دي اړونده ادارو ته واستول شي تر څو اړونده ژمنو د پلي کولو په څرنګوالي کې هغوي سره مرسته وکړي.
