په صنعت او سوداګرۍ وزارت کې د تنباکود وارداتو او د هغې محصولاتو د طرزالعمل په اړه د بحث غونډه
سهشنبه د وری ۱۷ مه ۱۴۰۰
د تنباکو د واردولو او د هغې د محصولاتوطرزالعمل په اړه د بحث غونډه د مالیې ، عامې روغتیا ، کورنیو چارو ، حج او اوقافو وزارتونو د استازو او دافغانستان دفدراسیون خونو د استازي په ګډون د صنعت او سوداګرۍ وزارت دعبدالمجید زابلي دکنفرانسونو په تالارکې جوړه شوه.
پدې ناسته کې د تنباکواو د هغې د محصولاتو (سګرټ) په وارداتو پورې اړوند طرزالعمل ، چې د دې وزارت د حقوقي چارو ریاست لخوا چمتو او ترتیب شوې وه ، بحث ترسره شو.
همدا رازپه دې غونډه کې د سګريټو په وارداتو د تعرفې زياتوالي ، د سګريټو او تنباکو د زیانونو په اړه د عامه پوهاوي پر لاره اچولو او په هېواد کې د سګرټو د قاچاق په مخنيوي کې د دولتي او غير دولتي ادارو د مسؤوليتونو په اړه هم خبرې وشوې.
دغه طرزالعمل د افغانستان داسلامي جمهوري دولت د تنباکو کنټرول قانون سره سم چمتو شوی او د اړونده څانګو سره مشورې او اصلاحي نظرونه به وروسته نهایي شي.
