په میدان وردګ ولایت کې د ماربلو سکتور کې د پانګونې زیاتوالی
![په میدان وردګ ولایت کې د ماربلو سکتور کې د پانګونې زیاتوالی](/sites/default/files/2021-05/afzaysh_srmayhgdhary_rwy_sngmrmr_dr_wlayt_mydan_wrdk.jpg)
سهشنبه د غويی ۲۱مه ۱۴۰۰
په میدان وردګو ولایت کې د ماربلو د تولید او پروسس فابریکې خپله پانګونه پنځه سوه زره امریکایی ډالرو ته لوړې کړي ده. دې فابریکې په۱۳۸۲ لمریزکال کې د دې ولایت په بهسودو ولسوالۍ کې د سل زره امریکایی ډالرو په لومړني پانګې سره خپل فعالیت پیل کړ او د دې ولایت تر څلوېښتو زیاتو اوسیدونکو ته یې د کار زمینه برابره کړه.
دغه فابریکه په شپه او ورځ کې د درې سوه ټنه مرمرو تولید او پروسس وړتیا لري، چې د خپ تولیدات کابل ، کندز ، بلخ ، زابل ، کندهار ، غزني ، فراه ، پروان او پنجشیر ولایتونو ته لیږدوي.
د دې فابریکې څښتن وايي چې په هیواد کې د سولې او امنیت په رامنځته کیدلو سره دوی چمتو دي چې پدې برخه کې خپله پانګه زیاته کړي او د هیواد ډیرو اوسیدونکو لپاره د کار زمینه برابره کړي.