کندهار ولایت ته د صنعت او سوداګرۍ وزارت دمشرتابه سفر
سه شنبه:د وری ٢مه ۱۴۰۱
د صنعت او سوداګرۍ وزارت سرپرست ښاغلي نورالدین عزیزی تیره یکشنبه د یو پلاوې په مشرۍ کندهار ولایت ته سفر وکړ پاتې دې نه وی چې په دې سفر کې د دې وزارت د صنعت او سوداګریزو چارو مرستیال ښاغلي مولوی قدرت الله جمال هم ګډون درلود.
دوزارت مشرتابه د قندهار ولایت د صنعت اوسوداګرۍ له ریاست څخه لیدنه وکړه، دهغه ریاست له کارکونکو یې غوښتنه وکړه تر څو داسلامي امارت د د بریا د راز (صداقت ) او (اخلاص) څخه پیروی وکړﺉ ،د سوداګرو او پانګوالو پر وړاندې د مسئولیت احساس وکړی او د هغوي ستونزو او ننګونو ته پر وخت رسیدګې وکړی.
همدا راز د وزارت مرستیال ښاغلی مولوی قدرت الله جمال،دصنعت کار او سوداګر خدمت زموږ ایمانې او دیني دنده اووجیبه، او کارکونکې يې ددې وجیبې په ترسره کولو ملزم وبلل.
ورپسې د قندهار ولایت د صنعت او سوداګرۍ ریس ښاغلی قاری حمدالله یعقوب قندهار ولایت ته دصنعت او سوداګرۍ وزارت دمشرتابه هرکلی وکړ او ژمنه يې وکړه چې ددې ولایت صنعت کارانو،سوداګرو او پانګوالو د خدمت په برخه کې به خپلې هڅې ونه سپموی .
په پای کې د صنعت او سوداګرۍ وزارت مشرتابه پلاوي د کندهار ولایت د صنعت او سوداګرۍ ریاست له دفترونو او ارشیف څخه لیدنه وکړه او مسوولینو ته یې د اسنادو د ساتنې په موخه لازمې لارښوونې وکړې.
