سه شنبه دلړم 6مه 1399

دافغانستان-پاکستان دسوداګریزو او ترانزیټي ستونزو دارزونې ګډه تخنیکي غونډه دصنعت او سوداګرۍ سرپرست او نوماند وزیر ښاغلي نثار احمد غوریاني ،دپاکستان د لومړي وزیر د تخنیکي چارو ارشد مشاور او د سوداګرۍ وزیر ښاغلي عبدالرزاق داوود په ګډون د دواړو هیوادونو د سوداګریزو او ترانزیټي ستونزو د ارزونې په هکله ترسره شوه.

همدا راز په دې غونډه کې افغانستان د اتاقونود فدراسیون مرستیال ښاغلي خان جان الکوزي،د افغانستان دسوداګرۍ او پانګونې د خونې مرستیال ښاغلي محمد یونس مومند او د خصوصي سکتور استازو د هیواد د سوداګرۍ دتخنیکي غړوپه صفت ګډون کړی وه .

د صنعت اوسوداګرۍ سرپرست اونوماند وزیر ښاغلي نثاراحمد غوریاني د پاکستان سره د افغانستان دترانزیټی او سوداکریزو ستونزو په حل ټینګار وکړ ویې ویل دې غونډه کې په 21 هغه ستونزو چې پاکستان کې افغان سوداګر ورسره مخ دي بحث شوی او عمده برخه سونزې یې حل شوي دي.

ښاغلي غوریاني زیاته کړه په یاده غونډه کې د ځینو افغان سوداګرو توکې چې د شپږو میاشتو راهیسې د پاکستان په بندرونوکې دستونزو سره مخ وه حل شوي او په راتلونکو اونیو کې به یې افغانستان ته دلیږد بهیر پیل شي.

د غونډې په پای کې د غونډي ګډونوالو د دواړوهیوادونو ترمنځ ترانزیت او سوداګري هیله بښونکي وبلله، په مختلفو کاري برخو کې یې د افغانستان -پاکستان د سوداګریزو او ترانزیتی ستونزو د حل په موخه په دوامداره او نږدې همکارۍ پریکړه وکړه.