دخوست ولایت دغلام خان بندر څخه تاجکستان ته د پاکستان د لومړنیوصادراتي توکو لیږد
پنجشنبه : دکب ۷مه ۱۳۹۹
د پاکستان د صادراتو لومړۍ محموله په خوست ولایت کې د غلام خان بندر له لارې تاجکستان ته ولیږدول شوه ، چې په دې وروستیو کې د سوداګریزو او ټرانزیټي توکو د لیږد لپاره دغه لاره پرانیستل شوې ده.
د پاکستان دغه توکي چې ۳۰ ټنه سبزیجات پکې شامل دي د غلام خان بندر له لارې او له افغانستان څخه تر ترانزیټ وروسته د کندز ولایت شیرخان بندر کې تاجکستان ته ولیږدول شول.
د افغانستان د اسلامي جمهوریت جمهورریس محمد اشرف غني د خوست ولایت د غلام خان بندر پر اغیزمنتیا ټینګار وکړ او زیاته یې کړه چې دغه بندر د هېواد د اقتصادي او سوداګرۍ ودې لپاره زمینه برابروي.
د صنعت او سوداګرۍ وزارت مشرتابه پلاوی د سیمې د هیوادونو ترمینځ د سوداګرۍ - ترانزیت لیږد په موخه د غلام خان بندر د پرانیستلو هرکلی کوي او دغه ګام دسیمې له هېوادنو سره دسوداګرۍ او ترانزیټ دلاپراختیا لپاره اغیزمن بولي
د تورخم بندر ترڅنګ د غلام خان بندر ، یو له هغو بندرونو څخه دی ، چې د هیواد د سوداګریزو توکو دراکړې ورکړې کچه لوړوي.
