دپاکستان دلومړي وزیردسوداګریزوچارو له مشاوراو دسوداګرۍ له وزیرسره دصنعت او سوداګرۍ سرپرست او نوماند وزیرلیدنه

سه‌شنبه : دلړم ۶ مه ۱۳۹۹

دهغې سفر له مخې چې دصنعت او سوداګرۍ وزارت سرپرست او نوماند وزیر ښاغلي نثار احمد غوریاني دیوه لوړ رتبه پلاوي په ملتیا پاکستان ته کړی، نن یې ددغه هېواد دلومړي وزیر دسوداګریزو چارو له مشاوراو ددغه هېواد دسوداګرۍ له وزیر، ښاغلي عبدالرزاق داوود سره وکتل اوددواړو هېوادونو ترمنځ یې په سوداګریزو راکړو ورکړو او ترانزیټي اسانتیاو خبرې وکړې.

په دغه سفرکې دصنعت او سوداګرۍ وزارت سرپرست وزیرښاغلي غوریاني سره، دپاکستان په چاروکې دولسمشر ځانګړي استازي ښاغلي محمد عمردواودزي،دافغانستان دفدراسیون خونومرستیال خان جان الکوزي،او دخصوصي سکتوریو شمېر استازو ملتیا کوله.

دغه ګډ پلاوي له پاکستان سره دافغان سوداګرو په ترانزیټي ستونزو دخبرو ترڅنګ، پریکړه وکړه چې دصنعت او سوداګرۍ وزارت داستازو، دهېواد له سوداګروڅخه جوړشوی یو تخنیکي ټیم دې دپاکستان دسوداګرۍ له وزارت سره وګوري او د دواړوهېوادونو ترمنځ دې دترانزیټي او سوداګریزوستونزو په اړه خبرې اترې وکړي.