د آیس کریم سکټور داستازود اندیښنو اوریدنه
چهارشنبه: د وری ۱۷مه ۱۴۰۱
د صنعت او سوداګرۍ وزارت مرستیال ښاغلي مولوی قدرت الله جمال د آیس کریم تولیدونکو شرکتونو له استازو سره وکتل.
په دې غونډه کې د يادو شرکتونو استازو د آيسکريم د ټيټ کيفيت اوغير معياري توليداتو په اړه خپلې اندېښنې شريکې کړې او ويې ويل، چې دغه آيسکريم د هېواد په بېلابېلو سيمو کې له جواز پرته توليدېږي.
دوی د خپلو تولیداتو دکیفیت، په فابریکو کې کارول شوي ټیکنالوژۍ او په بازارونو کې د تولید شوي آیس کریم د ارزښت په اړه معلومات وړاندې کړل او د دوی اندیښنو ته د رسیدو غوښتنه یې وکړه.
د دغه وزارت مرستیال ښاغليمولوي قدرت الله جمال په ټولو برخو کې د ټیټ کیفیت لرونکو محصولاتو پر مخنیوي د ټینګار ترڅنګ وویل، چې د آیس کریم ډېر پیردودنکې کوچنیان دي او د هغوی روغتیا ته باید زیان ونه رسیږي.
د دې سکتور له استازو وغوښتل شول چې خپلې ټولې ستونزې د کانونو او صنایعو خونې له لارې دیوه رسمي مکتوب له مخې دغه وزارت سره شریکې کړي.
پای کې پریکړه وشوه چې د کانونو او صنایعو دخونې د مکتوب له ترلاسه کولو وروسته؛ به د دوی اندیښنې اقتصادي کمیسیون سره شریکې او همدارنګه د صنعت او سوداګرۍ وزارت په مشرۍ د اړوندو ادارو یو ګډ پلاوي خپلې څیړنې په دې هکله ترسره کړی.
