د ازبکستان سفیر د سوداګرۍ وزارت له مرستیال سره لیدنه ترسره کړه
شنبه مورخ ۲۵محرم ۱۴۴۵ / ۲۱زمری ۱۴۰۲
د ازبکستان هیواد سفیر یادګار شادمانوف د صنعت او سوداګري وزارت له مرستیال ښاغلي الحاج مولوي قدرت الله جمال سره د نوموړي په کاري دفتر کې وکتل. یاده کتنه چې نن ترسره شوه پکې د دواړو هیوادونو د سوداګریزو اړیکو د همغږي او لا پیاوړتیا اړوند خبرې اترې وشوې. د لیدنې په ترڅ کې ښاغلي شادمانوف په نزدې راتلونکې کې د لوړپوړي ازبکستانی سوداګریز پلاوي د سفر اړوند مالومات وړاندې کړل او هیله یې وښودله چې یاد سفر به په دوه اړخیزو سوداګریزو اړیکو ژور اغېز ولري.
د صنعت او سوداګري وزارت مرستیال ښاغلي جمال په خپلو خبرو کې له ښاغلي شادمانوف څخه مننه وکړه او زیاته یې کړه چې اسلامي امارت د نړۍ او په ځانګړي ډول د ګاونډیو هیوادونو سره د سوداګریزو اړیکو رغولو او پیاوړتیا ته ژمن دی.