د افغانستان او بلاروس جمهوریت تر مینځ اقتصادي اړیکي پراختیا مومي
شنبه ۱۰ رجب المرجب ۱۴۴۶ / ۲۲ جدی ۱۴۰۳
د افغانستان اسلامي امارت د صنعت او سوداګرۍ وزارت سرپرست محترم الحاج نورالدین عزیزي د بلاروس جمهوریت د صنایعو وزارت له مرستیال ښاغلي "کازینتاسو اندرو" سره لیدنه وکړه.
پدې لیدنه کې د بلاروس جمهوریت د صنایعو وزارت مرستیال د دواړو هېوادو تر مینځ د اقتصادي اړیکو پر پراختیا ټینګار وکړ او له افغانستان سره یې د خپل هېواد د سوداګریزې راکړې ورکړې د زیاتوتالي غوښتنه وکړه.
وروسته بیا د افغانستان اسلامي امارت د صنعت او سوداګرۍ وزارت سرپرست محترم الحاج نورالدین عزیزي، د دواړو هېوادو تر مینځ د سوداګرۍ د ارقامو په وړاندې کولو سره د دواړو هېوادو تر مینځ د سوداګریز بیلانس د کچې پر تعادل ټینګار وکړ.
د دې کتنې په پای کې د دواړو هېوادو تر مینځ د اقتصادي او سوداګریزو اړیکو د پراختیا او په سوداګریز بیلانس کې د تعادل رامینځ ته کېدو په موخه، د ګډو نندارتونونو او سوداګریزو کنفرانسونو جوړولو او د دواړو هېوادو د خصوصي سکتور او دولتي پلاویو تر مینځ د ګډو ناستو پر تنظیم هوکړه وشوه.
