د افغانستان د سوداګرۍ او صنایعو وزارت مرستیال مولوي احمدالله زاهد او ورسره پلاوي اوزبیکستان ته سفر وکړ
یکشنبه ۲۹ شوال المکرم ۱۴۴۶ / ۷ ثور۱۴۰۴
نن يکشنبه د ۱۴۴۶ هـ.ق د شوال المکرم د میاشتې ۲۹ نېټه ده، د افغانستان د صنعت او سوداګرۍ وزارت معین مولوي احمدالله زاهد او ورسره مل پلاوی ازبکستان هېواد ته خپل رسمي سفر پیل کړ. د دې سفر موخه د دواړو هېوادونو ترمنځ د سوداګرۍ د اړیکو لا پیاوړي کول او د اقتصادي همکارۍ پرمختګ دی.
یاد پلاوی به د ازبکستان د حکومت له لوړو پوړو چارواکو سره د اقتصادي او سوداګریزو فرصتونو، د سوداګرۍ د لا پراختیا، او د ګډو پروژو پر عملي کولو بحثونه وکړي. همدارنګه، دوی به د افغان سوداګرو سره په ازبکستان کې د دوی د ستونزو او اړتیاوو په اړه ځانګړي مجلسونه ترسره کړي ترڅو د هغوی د فعالیتونو لپاره اسانتیاوې برابرې شي او د سوداګریزو اړیکو د لا پراختیا لپاره عملي ګامونه پورته شي.
د دې ترڅنګ، پلاوی به په تاشکند کې د ازبکستان حکومت له خوا جوړ شوي نندارتون په پرانیست غونډه کې ګډون وکړي.
دغه سفر د دواړو هېوادونو د اقتصادي او سوداګریزو اړیکو د پراختیا په برخه کې یو مهم ګام دی چې د سیمې په کچه به د متقابلې همکارۍ او پرمختګ لپاره نوې لارې چارې پرانیزي.
