چهارشنبه دتلې 23 مه 1399

دخصوصي سکتور دپراختیا کاري کمیټې (پراسیک)غونډه د صنعت او سوداګرۍ سرپرست او نوماند وزیر ښاغلي نثاراحمد غوریانې په مشرۍ د جمهوري ریاست دلومړې مرستیال د ستراتیژۍ او پالیسۍ چارو مرستیا ښاغلي عبدالحسیب فیضي او د پراسیک کاري ډلې غړو په ګډون د وزارت دمقام د غونډو په تالار کې ترسره شوه.

په دې غونډه کې د جمهوری ریاست د لومړي معاونیت تر اثر لاندې د خصوصي سکتور پراختیا داجرایه کمیټې د بیا پیل کولو په څرنګوالي،دپراسیک په مختلفو کاري کمیټو کې د صنعت او سوداګرۍ وزارت په رول، دپراسیک د کاري ډلو او دياد وزارت ترمنځ د کاري همغږۍ په هکله بحث ترسره شو.

دجمهوري ریاست لومړي معاونیت د ستراتیژۍ او پالیسې مرستیال ښاغلي عبدالحسیب فیضي وویل،د اقتصاد عالي شورا د پریکړې پر بنسټ دخصوصي سکتور دپراختیا داجرایې کمیټې مشرتوب د جمهوری ریاست لومړي معاونیت ته سپارل شوی، له دې وروسته د کمیټې غونډې د جمهوري ریاست د لومړي مرستیال ښاغلي امرالله صالح تر مشرۍ لاندې ترسره کیږي.د صنعت او سوداګرۍ وزارت یې بیا په مختلفوکمیټوکې عمده رول په غاړه لري.

له بل پلوه د صنعت اوسوداګرۍ سرپرست اونوماندوزیر ښاغلي نثار احمد غوریاني دجمهوري ریاست د لومړي معاونیت تر مشرۍ لاندې د خصوصي سکتور د پراختیا اجرایه کاري کمیټې د بیا پیل څخه خوښي وښوده اوزیاته یې کړه چې،د صنعت او سوداګرۍ وزارت به خپل رول په دې کمیټه کې په ښه ډول ترسره او هم هر ډول همکارۍته چمتو دی.

د خصوصي سکتور پراختیا اجرایې کمیټه د پنځو کاري کمیټو څخه جوړه ده چې د درې کاري کمیټو د مشرۍ چارې یې د صنعت او سوداګرۍ وزارت په غاړه دي.